2 ára afmæli Norræna íhaldsflokksins

Í dag fagnar Norræni íhaldsflokkurinn 2. ára afmæli sínu.

Á þessu ári hefur verið skotið enn frekari stoðum undir hugmyndafræðilegan grunn félagsins og heimasíðan verið uppfærð og löguð. Nokkuð vantar þó upp á til að ljúka þeirri vinnu enda líkur þeirri vinnu svo sem aldrei. Alltaf þarf að aðlaga og breyta áherslum eftir aðstæðum á hverjum tíma.

Áfram verður unnið á þeim vettvangi á komandi vikum og mánuðum og fleiri munu verða kallaðir að því verki.

Eins árs afmæli Norræna íhaldsflokksins.

Í dag 1. desember fangar Norræni íhaldsflokkurinn eins árs afmæli sínu.

Á annað hundrað manns skráðu sig í félagið á árinu sem er að líða.

Nokkrar umræður eru nú í gangi hvort félagið eigi að taka þátt og bjóða fram til sveitarstjórna og þá til að byrja með í stærstu sveitarfélögunum.

 

Norræni Íhaldsflokkurinn býður ekki fram.

Þegar boðað var til kosninga voru 83 dagar til stefnu. Þegar það var ljóst lá fyrir að Norræni Íhaldsflokkurinn myndi ekki ná þeim markmiðum sem flokkurinn setti sér ætlaði hann í framboð. Sjá nánar hér.

Ljóst er að mikill áhugi er í samfélaginu á þeim áherslum sem Norræni Íhaldsflokkurinn stendur fyrir.

Eins og mál eru nú að þróast þá er líklegt að stefnt verði að framboði í næstu alþingiskosningum.

 

Nýting hvalastofnanna.

Hvernig nýtum við þessa auðlind sem hvalastofnarnir við Ísland eru best til lengri tíma litið? Hvort mun gefa meira í aðra hönd, að skoða hvalina eða skjóta þá?

Hvort eigum við að láta sjávarútvegsfyrirtækjunum eða ferðaþjónustufyrirtækjunum það eftir að nýta þessa auðlind?

Ferðaþjónustan segir að á síðasta ári hafi 115.000 manns farið í hvalaskoðunarferðir og um 200 manns hafi af þessu atvinnu.

Sjávarútvegurinn segir að hvalveiðar muni skapa 200 til 300 störf.

Báðir þessir atvinnuvegir skapa okkur gjaldeyri. Eins og staðan er í dag mun nýting hvalastofnanna skapa álíka mörg störf hvort heldur sem hvalir eru skoðaðir eða skotnir.

Framtíð hvalveiða við Ísland er ótrygg. Hverjir eru vaxtamöguleikarnir? Hverjar eru söluhorfurnar? Þá er stofnkostnaðurinn við að "græja" samfélagið í slíkar veiðar hár. Endurnýja þarf skip, vinnslur og veiðarfæri. Er í raun forsvaranlegt að fara í miklar fjárfestingar vegna atvinnugreinar þar sem jafn mikil óvissa ríkir um sölu á afurðunum? Ekki myndi ég þora að lána eða hætta mínu fé í þessa atvinnugrein.

Framtíð hvalaskoðunar er björt. Þetta er ung atvinnugrein sem hefur vaxið gríðarlega ár frá ári. Þar er ekkert nema vöxtur og auknar tekjur framundan ef horft er til þess hve vinsælar slíkar ferðir eru víða erlendis. Það eina sem getur komið í veg fyrir að þessi grein ferðamennskunnar blómstri á komandi árum og að boðið verði upp á hvalaskoðunarferðir víðar um land eru veiðar. Menn óttast að veiðar kenni skepnunum að hræðast menn og báta.

Okkar mat er, horft til lengri tíma, að ferðaþjónustan muni skapa okkur meiri tekjur ef hún fær að nýta hvalastofnana en ef sjávarútvegsfyrirtækjunum er látið eftir að nýta þá.

Við munum hagnast meira á því að skoða hvalina en skjóta þá.

Látum því ferðaþjónustunni eftir að nytja hvalastofnana við Ísland.

Námslaun í stað lána

Norræni Íhaldsflokkurinn vill að í málefnum námsmanna verið tekið upp "danska kerfið" með laun í stað lána.

Unnið verði að þessari breytingu í samvinnu við LÍN og þessar greiðslur settar upp að danskri fyrirmynd.

Byrjað verði á að koma slíkum námslaunum á fyrir þann hóp sem hættir tímabundið á vinnumarkaðnum og fer í endurmenntun eða er að bæta við sig námi. Á það að gilda fyrir háskólanám, iðnnám eða annað sérhæft nám hér heima eða erlendis.

Þar  á eftir verði háskólanemendum sem stunda nám erlendis  boðið upp á þessi námslaun.

Lokaskrefið er síðan að bjóða öllum háskólanemum upp á slík námslaun. Eitt kjörtímabil á að duga til að duga til þess að hrinda þessum þrem skrefum í framkvæmd.

Tilgangur þessa er að auka menntun og þekkingu þeirra sem starfa á íslenska vinnumarkaðnum. Íslensk starfsfólk verður þá enn verðmætara og fyrirtækjum býðst enn betur menntað  starfsfólk á komandi árum.

Fjármögnun verður með sama hætti og verið hefur í gegnum Lánasjóð Íslenskra Námsmanna. Þeir sem þegar hafa tekið lán halda áfram að borga af sínum lánum.

Þegar þetta unga fólk sem þegið hefur þessi námslaun kemur út á vinnumarkaðinn þá taka samtök launafólks og atvinnulífsins tillit til þess að þetta fólk þáði laun við nám sitt en tók ekki lán eins og þeir sem eldri eru. Byrjunarlaun þessa unga fólks verður þá aðeins lægri fyrstu árin og aldurslaunamunur aðeins meiri en nú er. Launagreiðendur og ríkið fjármagna þessi námslaun með þeim sparnaði sem af hlýst.

Strangari lög um fjármálastofnanir.

Norræni Íhaldsflokkurinn vill að sett verði lög um fjármálastofnanir sem kveða m.a. á um:

• Að þeir sem eiga meira en 1% í fjármálastofnun þeir mega ekki eiga fyrirtækum í samkeppnisrekstri á almennum markaði.
• Að fjármáalstofnunum verði bannað að hagnast meira en sem nemur 15% af eigið fé á ári. Stefni í meiri hagnað ber þeim að lækka vexti eða þjónustugjöld.
• Tekin verði upp ákvæði Danskra bankalaga sem banna stjórnendum fjármálastofnanna að eiga í hlutafélögum í samkeppnisrekstri á almennum markaði.
• Fjármálastofnunum verði bannað að eiga í öðrum fyrirtækjum og félögum.

Sjá nánar stefnu Norræna Íhaldsflokksins í ríkisfjármálum hér.

Árni Johnsen og Ástþór Magnússon ekki í Norræna Íhaldsflokknum

Að gefnu tilefni er rétt að árétta það að hvorki Árni Johnsen eða Ástþór Magnússon komu að stofnun Norræna Íhaldsflokksins né eru þar félagar.

Báðum þessum mönnum er vinsamlega bent á að ekki er óskað eftir að þeir gerist félagar í Norræna Íhaldsflokknum og Norræni Íhaldsflokkurinn sækist ekki eftir starfskröftum þeirra.

Sjávarútvegsstefna Norræna Íhaldsflokksins

Tryggjum eignarhald þjóðarinnar á fiskveiðiauðlindinni. Breyta þarf núverandi kótakerfi þannig að eignarhald þjóðarinnar á auðlindinni sé tryggt.  Afleiðing núverandi kótakerfis með framsal og sölu aflaheimilda er á þann veg að auðlindin er og verður gríðarlega skuldsett. Það þjónar ekki hagsmunum þjóðarinnar þegar stjórn auðlindarinnar er með þeim hætti að stærstur hluti af afrakstri hennar fer í fjármagnskostnað. Fjármagnskostnað sem endar í höndum erlendra fjármálastofnanna. Með núverandi skipan mála þá eru það erlendar fjármálastofnanir sem hagnast mest á nýtingu fiskveiðiauðlindar okkar. Í dag er málum svo komi að íslenska fiskveiðiauðlindin er veðsett í botn ef ekki yfirveðsett. Í dag er staðan þannig að það er hinir erlendu lánadrottnar sem lánað hafa íslenskum bönkum eða útgerðafélögunum til kaupa á veiðiheimildum með veð í veiðiheimildunum sem er hinn raunverulegi eigandi auðlindarinnar. Hver annar á yfirveðsettar veiðiheimildir en sá sem á veðin? 

Afleiðin núverandi kótakerfis er að sú að hið raunverulega eignarhald á íslensku fiskveiðiauðlindinni er nú í höndum erlendra lánadrottna og þeir hirða í dag stærstan hluta af arðinum af nýtingu hennar. 

Með breyttu fyrirkomulagi gætu þær fjárhæðir sem nú renna í  afborganir og vexti af lánum sem tekin voru til kótakaupa runnið í sameiginlega sjóði landsmanna. Í dag rennur þetta fjármagn allt úr landi. Við viljum vinna að breytingum á lögum um kótakerfið með það að markmiði að arðurinn af auðlindinni hætti að renna að stærstum hluta til fjármálastofnana. 

Okkar helstu nytjastofnar, þorskurinn ýsan o.s.frv. eru staðbundnir fiskistofnar á landgrunni Íslands. Margoft hefur komið fram að hefð okkar á að nytja þessa staðbundnu stofna verður með óbreyttum hætti göngum við í ESB. Engum öðrum þjóðum verður úthlutað kótum úr þessum stofnum. Um flökkustofna eins og síld og loðnu þarf að semja en þegar er komin hefð á með hvaða hætti þeir samningar eru. Það sem þarf hinsvegar að gæta að er eignarhaldið á kótanum. Hann verður sannarlega að vera sameign þjóðarinnar þannig að íslenskum kvótaeigendum verði ekki gefin heimild til að selja kvótann til erlendra aðila. Það er hægt að leysa með einfaldri aðgerð með því að breyta kvótanum úr því að vera "eignarkvóti" yfir í að þetta yrði "leigukvóti".   

Samhliða þessu verða teknar upp vistvænar veiðiaðferðir að fyrirmyndi Normanna og bannaðar veiðar með botntroll og snurvoð. Hættum að slétta hafsbotninn umhverfis landið og breyta með því vistkerfinu og þar með lífsskilyrðum nytjastofnanna. Áratugur verið tekin í slíka aðlögun og aflaheimildirnar færðar yfir á neta– og krókabáta. Þessir bátar skipa öllum sínum afla á land í sjávarplássunum kring um landið. Aukin hlutur dagróðrarbáta mun veita á ný súrefni, birtu og il inn í þessa bæi. Landsbyggðin mun þá ganga í endurnýjun lífdaga sinna. Endurreisn sjávarplássanna um land allt með þessum hætti er eitt af pólitísku markmiðum Norræna Íhaldsflokksins.  

Þegar allar aflaheimildir eru komnar á hendur dagróðrabáta og aflanum öllum landað á Íslandi þá erum um leið búin að tryggja að eignarhaldið og nýting auðlindarinnar verður um ókomin ár í höndum aðila sem búa í sjávarplássunum á Íslandi.

 

Íslenskur hægri flokkur sem vill ganga í ESB og taka upp evru.

 

Það vantar á Íslandi hægri flokk sem vill ganga í Evrópusambandið og taka upp evru. Borgaraflokkarnir á hinum Norðurlöndunum hafa leitt baráttuna fyrir inngöngu landanna í ESB og að tekin verði upp evra. Slíkan valkost vantar hér.

Sjá heimasíðu Norræna Íhaldsflokksins:

 http://www.simnet.is/ihaldsflokkurinn/

 

 

Vantar á Íslandi norrænan borgaraflokk

Það vantar á Íslandi norrænan borgaraflokk sem stendur fyrir sömu lífsgildi og systurflokkarnir þar. "Ameríkusering" og "Thatcherismi" hafa leitt Íslenskt samfélag í átt til samfélagsgerðar sem við erum ekki sátt við. Snúum af braut notendagjalda og félagslegs ranglætis.

Sjá nánar hér:

http://www.simnet.is/ihaldsflokkurinn/  

Aðgerðaráætlun í kreppu

Hér geisar gjaldeyriskreppa, lausafjárkreppa og bankakreppa. Þess vegna þarf að grípa til sérstakra og sértækra ráðstafanna til að vinna sig út úr þessari stöðu. Miðað við óbreytt fjárlagafrumvarp fyrir árið 2009 vill Norræni Íhaldsflokkurinn sjá á næstu sex mánuðum eftirfarandi aðgerðaráætlun setta í framkvæmd...  

Allar vinnandi hendur verið kallaðar til starfa. Tilkynna á nú þegar að framundan sé vertíð sem muni standa í nokkur ár. Við þurfum að vinna okkur út úr miklum efnahagsvanda. Það gerum við ekki með svartsýni, aðgerðarleysi, samdrætti og atvinnuleysi. Það gerum við með því að blása til sóknar. Það þarf ekki mikið til að koma eins litlu hagkerfi og því íslenska í gang á ný. Til þess höfum við allt við höndina. Við viljum grípa til eftirfarandi aðgerða... 

· Evra verði tekin upp einhliða innan þriggja mánaða. Í framhaldi verði sótt um aðild að ESB og Myntbandalaginu. 

· Eftir upptöku evru verða gefin út ríkistryggð skuldabréf upp á 200—300 hundruð milljarða króna. Þessi bréf kaupa lífeyrissjóðirnir í landinu. Lífeyrissjóðunum er þar með tryggð ein öruggasta fjárfestingin sem þeir geta fengið.   

· Ríkið setur þetta fé inn í bankana og þeir koma með súrefni inn á markaðinn. Bankarnir verja þessu fé í eftirfarandi verkefni: 

· Byggingaiðnaðurinn þarf 5 milljarða króna á mánuði, þá rúllar hann áfram í þokkalegu lagi. Fyrirsjáanlegu hruni hans yrði þar með afstýrt og því gríðarlega tjóni sem því hefði fylgt. Haldið verði áfram með þau arðsömu og nauðsynlegu verkefni sem þar eru í gangi. Tónlistarhúsið verði steypt upp og það klárað að utan. Kjallararnir á húsunum við hliðina verið steyptir upp í götuhæð og svæðið grófjafnað. Ákveðið verði með framhaldið síðar. 

· Nýju bankarnir standa við lánsloforð gömlu bankana og lána til álversins í Helguvík. 

· Nýju bankarnir lána Landsvirkjunar, Orkuveitu Reykjavíkur og Orkuveitu Suðurnesja þannig að þessi félög geti byggt þau orkuver og lagt til þá orku sem til stendur að útvega. 

· Um leið og búið er að taka einhliða upp evru þá byrja nýju bankarnir og Íbúalánsjóður að lána 90% lán til allt að 80 ára til kaupa á almennu íbúðarhúsnæði. 

· Ríkið standi við skuldbindingar sínar við Nýsköpunarsjóð og fyrirhugaða aðstoð við sprotafyrirtæki. 

· Skólum landsins verði gert kleyft að taka við stórauknum fjölda nemenda. 

· Samþykkt verði að mest öll aukning á veiðiheimildum í bolfiski á næstu þrem árum verði veidd með vistvænum veiðum af dagróðrarbátum, það er í net og með krókum. Kveikjum meira líf í útgerðarbæjum um land allt. 

· Samþykkt verði stækkun og flýting á framkvæmdum í Helguvík án þess að gefa afslátt af kröfum okkar í umhverfismálum.  

· Undirbúin virkjun í neðri hluta Þjórsá og framkvæmdir hafnar sem fyrst. Sett verði í gang hönnun nýrra vatnsafls– og jarðvarmavirkjana. 

· Samþykkt verði gerð olíuhreinsistöðvar í Kvestu enda verði ströngustu kröfur til umhverfismála uppfylltar. 

· Flýtt verði framkvæmdum við álveri á Húsavík eins og hægt er án þess að gefa afslátt af kröfum okkar í umhverfismálum. 

· Búinn verði til sérstakur Byggingasjóður sem fær það hlutverk að yfirtaka óseljanlegar og yfirveðsettar íbúðir sem nú eru í byggingu eða standa fullbúnar. Þessi sjóður sér um að ljúka þeim íbúðum sem standa ókláraðar. Þessar íbúðir verði síðan seldar á almennum markaði og inn í félagslega kerfið með 90% lánum til 80 ára.  

· Gjaldtöku Sveitarfélaga á Höfuðborgarsvæðinu við sölu lóða verði í framtíðinni stillt í hóf. Verð á lóðum sem sveitarfélögin liggja núna verði lækkað um 50%. Sett verið lög á sveitarfélögin ef með þarf til að ná þessari lækkun fram. Opinbert eftirlit verið í framtíðinni haft með úthlutun lóða og verðlagningu með það að markmiði að svona “lóðabóla” endurtaki sig ekki aftur.  

· Sveitarfélögum verða hvött til framkvæmda og þeim verða lánuð sérstök framkvæmdalán sem gera þeim kleyft að setja í gang á næstu tveim til þrem árum mannaflsfrekar framkvæmdir, gerð skóla og íþróttahúsa og svo framvegis. 

· Settur verði á fót sérstakur lánasjóður hjá Íbúðalánasjóði sem lánar hagkvæm langtímalán til viðhalds og endurbóta á eldra húsnæði.